MOGR 2015 FAQs (Frequently Asked Questions)

by Tereso Ugalino
(On behalf of Steering Committee and Coordinators)

1. Ania kadi daytoy MOGR 2015?

Ti MOGR 2015 ket plano nga pinagkikita ken pinagi-inniliw didiay Las Vegas ti amin nga Magsingalenos nga agnaed ti naduma-duma nga suli ti lubong.

Gapu ta inorganisa tayo ti MOGR nga independente kadagit agdama nga asosasyon ti taga-Magsingal ditoy America, ti MOGR ket saan nga associated kadagitoy nga asosasyon, eg, MOA, MAH, MASC, MANC.

Ket gapu ken daytoy, awan pay ti pormal nga organisasyon nga nai-rehistro para ti MOGR.  Isu nga dagiti agdama nga mangidadauluan ti daytoy nga gandat tayo ket volunteers laeng apo.

2. Kaano daytoy nga event ken sadino ti paka-aramidan na?

Into no April 17-18, 2015 diay Las Vegas, Nevada, USA (Gold Coast Hotel & Casino).  Visit here for more info.

3. Sino ti agdama nga mangidadauluan ti MOGR 2015?

Daytoy nga panggep ket naisawang ko kadagitay kailian tayo nga mayat met nga maki-kammaysa.  Dagitoy ti nanumo nga kakailian yo nga mangiturturong ken daytoy nga pasken tayo:

Tereso U - San Clemente
Armi O - Namalpalan
Cely R - Santa Monica
Jun L - San Clemente
Vic A - San Ramon

Dagitoy met ti naregta nga coordinators tayo ti naduma-duma a suli ti lubong, nga no awan da ket narigat nga maaramid dagitoy naragsak nga plano tayo dita Las Vegas:

Mario U - San Clemente
Gloria U - San Ramon
Ben L – San Ramon
Tet T – San Ramon
Lynne G - San Ramon
Manny L - San Clemente
Bonnie D – Santa Monica
Helen U – San Vicente
Francis P – San Lucas
Chato T – San Julian
Vangie F – Manzante
Jun V – San Julian
Gloria F – San Julian
Claire B – San Clemente
Juliet A – Miramar
Grace P – Bacar
Lani P – Labut
Estela R – Bungro
Edna Rol – San Clemente
Prezz R – San Clemente
Rogelio A – San Clemente
Matie A – San Ramon
Witta E – Manzante
Florida U – San Clemente
Eva T – San Vicente
Lorna L – San Ramon
Ehla L – San Ramon
Florian T- Bacar
Zenia F– San Lucas
Nestor V – San Vicente

4. Apay ngarud nga awan pay ti pormal nga na-irehistro para ti MOGR?

Daytoy panggep tayo into no 2015 ket isu ti umuna nga event ti MOGR.  Gapu ta di tayo pay met napadasan ti nag-organisa ti kastoy kadakkel nga gimong ti Magsingalenos nga adda ti naduma-duma nga luglugar, di tayo pay ammo no anian to ti outcome na.

No adun to ti interesado nga mangisayangkat ti MOGR a kas maysa nga “regular event”, ket isunto ti panag-desisyon tayo no ipa-rehistro tayo ti MOGR.  Ngem itatta, pilot run pay laeng apo daytoy.

5. Apay ania ti proyekto ti MOGR 2015?

Daytoy nga pasken ket para ti inniliw tayo nga agkakailian, aggagayyem ken agkakabagyan.

Ken gapu ta daytoy event tayo ket saan met nga associated kadagitoy opisyal ken agdama nga Magsingal associations, saan tayo nga mabalin nga ag-declare ti ganansya. No ania ti mapastrek tayo, ket masapul ket mausar met laeng para ti event tayo.  Isu ti gapu na nga narigat tayo nga mang-sponsor ti proyekto as MOGR 2015.

6. Ania ti makita tayo nga pag-gastuan para ken daytoy event tayo?

Ti kadakkelan nga gastos tayo ket daytoy bayad ti 2-nights event (Friday and Saturday) for 500 to 550 attendees.  Tay bayad ti attendees apo nga $55/night/person ket isu ti bayad ti dinner and venue ken incidental expenses.

Awan ti pondo nga aggapu kadagiti asosasyon ti taga-Magsingal apo, isu nga amin nga pag-gastuan ket aggapun to ken dayta $55/night/person nga bayad ti attendees.

7. Apay nga masapul ti pre-payments para ti seat reservation ket nagadayo pay met la ti April 2015?

Daytoy pre-payment apo ket bayad tayo ti dinner and venue ti dua nga rabii.  Masapul nga bayadan tayo in full diay 2-nights dinner event, 60-90 days sakbay ti actual event.

Ammo tayo met no kasano karigat ti agsingir aglalo ket aga-addayo tayo amin ken puro volunteers laeng amin nga coordinators tayo apo, isu nga saan tayo unay parigaten ida. Awan pangalaan tayo ti pagabunar.

Maysa pay, daytoy attiddog nga waiting time ket para kadagitay kailian tayo nga aggapu ti Pilipinas nga masapul da ti mangala ti visa.  Daytoy 2 nga tawen ket isu ti tiempo yon apo nga mangi-prepara ken mangilakad ti papeles yo.

Dagitay immuna nga nagpa-register (first 600) nga saan pay nga naka pre-pay by Dec 2013, sorry to say ngem saan kay to mabalin nga mairaman diay listaan apo ket maited to ta seat reservation yo kadagitay adda ti waiting list.

8. Kasano ngarud ti panag bayad mi para ti reserved seats diay 2-nights event?

Basaen yo ditoy apo ti detalye no kasano ti pinagbayad yo ti seat reservation. 

9. Ania pay ti sabali nga activities tayon to dita Las Vegas?

Adu ti agkiddaw nga no mabalin ket ag-picnic tayo (pinugpugan nga baka wenno kalding) ti Sunday after the 2-nights event.   Kasta met nga adu ti mayat nga ag-tour around the area (maybe Grand Canyon, Hoover Dam), siguro day-time ti Biernes wenno Sabado.

Ket gapu ta awan met ti budget tayo para kadagitoy nga actividades, dagitoy to ket maplano nga optional activities.

10. Ania ti mabalin nga fund-raising para kadagitoy nga optional activities?

Adda suggestion nga agpa-print tayo ti souvenir t-shirts, caps, and other memorabilia nga ilako tayon to kadagita attendees.  Ti maysa pay nga suggestion ket souvenir program, masapul agala tayo ti ad sponsors.

Ngem ketdi, masapul tayo ti volunteers nga tumulong tapno ma-implement dagitoy nga plano.  Kasta met nga masapul ti pre-payments ti attendees tapno adda ma-usar nga pag-down payment kadagitoy suppliers.

11. Ania ti nasayaat nga accommodation dita Las Vegas?

Amin nga attendees ket daka yo ti maka-ammo nga mang-organisa ti accommodation yo apo.  Adda special rates nga inted ti Gold Coast Hotel para ti amin nga MOGR attendees. No kayat yo ti agpa-reserve dita Gold Coast Hotel, ipaka-ammo yo kaniak ta ited ko diay special code nga usaren yo no agpa-reserba kayo tapno maala yo diay special rate.

No kaykayat yo ti agdiyan ti sabali nga hotel, adda latta kania yo apo.  Dakayo ti makaamo nga agpa-reserba ti accommodation yo.

No adda pamilya yo wenno gagayyem yo dita Las Vegas nga mabalin nga paki-turugan yo, ket nasaysayaat manen.  Ken dagitay adda apartments na kada share home na dita Las Vegas ket maka-ammo kayo metten nga mangimbitar kadagita gagayyem ken kakabagyan yon apo.