Hawaii 2018 - MOGR FAQs (Frequently Asked Questions)

by Tereso Ugalino
(On behalf of Steering Committee)

1. Ania kadi daytoy Hawaii 2018 - MOGR?

Ti Hawaii 2018 - MOGR ket plano nga pinagkikita ken pinagi-inniliw didiay Honolulu, Hawaii ti amin nga Magsingalenos nga agnaed ti naduma-duma nga suli ti lubong.

Daytoy ti maikadua nga MOGR - ti immuna nga MOGR ket idi 2015 didiay Las Vegas.  Gapu ta inorganisa tayo ti MOGR nga independente kadagit agdama nga asosasyon ti taga-Magsingal ditoy America, Canada ken dadduma nga paset ti lubong, ti MOGR ket saan nga associated kadagitoy nga asosasyon, eg, Canadian Magsingal Association (CMA), Magsingal Organization of America (MOA), Magsingal Association of America (MAA), Magsingal Association of Northern California (MANC), Magsingal Association of Maui (MAM), ken ti Magsingal Association of Hawaii (MAH).

Ket gapu ken daytoy, awan pay ti pormal nga organisasyon nga nai-rehistro para ti MOGR.  Isu nga dagiti agdama nga mangidadauluan ti daytoy nga gandat tayo ket volunteers laeng apo.  No matultuloy ti plano ket adda met ayat dagitoy miembro ti Steering Committee nga ma-organisa ti MOGR kas maysa nga legal entity.

2. Kaano daytoy nga event ken sadino ti paka-aramidan na?

Into no June 22-24, 2018 diay Honolulu, Hawaii, USA (Pacific Beach Hotel Waikiki).  Visit here for more info.

3. Sino ti agdama nga mangidadauluan ti MOGR?

Ti agdama nga Steering Committee ti MOGR ket idadauluan dagitay naayat nga kailian tayo ti naduma-duma nga paset ti lubong.  Dagitoy ti nanumo nga kakailian yo nga mangiturturong ken daytoy nga pasken tayo:

Tereso U - San Clemente
Grace L - Bacar
Gloria F - San Julian
Armi O - Namalpalan
Gloria B - San Ramon
Cely R - Santa Monica
Jun L - San Clemente
Lorry S - San Julian
Vic A - San Ramon

4. Apay ngarud nga awan pay ti pormal nga na-irehistro para ti MOGR?

Daytoy panggep tayo into no 2018 ket isu ti maikadua nga event ti MOGR.  Daydi immuna nga gimong tayo diay Las Vegas idi 2015 ket napalalo met ti ragragsak ken ay-ayat tayo nga naki-inniliw. Gapu ken daytoy, isu nga dagitoy members ti Steering Committee ket interesado kami nga ipa-rehistro tayo ti MOGR.  Agdama nga im-imbestigaan tayo no ania ti kasayaatan nga pannakai-rehistro ti MOGR.

5. Apay ania ti proyekto ti MOGR 2018?

Daytoy nga pasken ket para ti inniliw tayo nga agkakailian, aggagayyem ken agkakabagyan.

Ken gapu ta daytoy event tayo ket saan met nga associated kadagitoy opisyal ken agdama nga Magsingal associations, saan tayo nga mabalin nga ag-declare ti ganansya. No ania ti mapastrek tayo, ket masapul ket mausar met laeng para ti event tayo.  Isu ti gapu na nga narigat tayo nga mang-sponsor ti proyekto as MOGR 2018.

6. Ania ti makita tayo nga pag-gastuan para ken daytoy event tayo?

Ti kadakkelan nga gastos tayo ket daytoy bayad ti 2-nights event (Friday and Saturday) for 500 to 550 attendees.  Di tayo pay ammo no mano ti bayad ti attendees apo.

Awan ti pondo nga aggapu kadagiti asosasyon ti taga-Magsingal apo, isu nga amin nga pag-gastuan ket aggapun to ken dayta bayad ti attendees.

7. Kasano ngarud ti panag paylista ken panag bayad mi para ti reserved seats diay 2-nights event?

Ipakaammo tayto amin nga detalye dita Hawaii2018 - MOGR Facebook page ken MOGR Facebook group tayo.

8. Ania pay ti sabali nga activities tayon to dita Hawaii?

Adu ti agkiddaw nga no mabalin ket ag-picnic tayo (pinugpugan nga baka wenno kalding) ti Sunday after the 2-nights event.   Kasta met nga adu ti mayat nga ag-tour around the island, siguro day-time ti Biernes wenno Sabado.

Ket gapu ta awan met ti budget tayo para kadagitoy nga actividades, dagitoy to ket maplano nga optional activities.

9. Ania ti mabalin nga fund-raising para kadagitoy nga optional activities?

Adda suggestion nga agpa-print tayo ti souvenir t-shirts, caps, and other memorabilia nga ilako tayon to kadagita attendees.  Ti maysa pay nga suggestion ket souvenir program, masapul agala tayo ti ad sponsors.

Ngem ketdi, masapul tayo ti volunteers nga tumulong tapno ma-implement dagitoy nga plano.  Kasta met nga masapul ti pre-payments ti attendees tapno adda ma-usar nga pag-down payment kadagitoy suppliers.

10. Ania ti nasayaat nga accommodation dita Honolulu, Hawaii?

Amin nga attendees ket daka yo ti maka-ammo nga mang-organisa ti accommodation yo apo.  Kitaen tayto apo bareng adda special rates nga ited ti Pacific Beach Hotel para ti MOGR attendees.

No kaykayat yo ti agdiyan ti sabali nga hotel, adda latta kania yo apo.  Dakayo ti makaamo nga agpa-reserba ti accommodation yo.

No adda pamilya yo wenno gagayyem yo dita Hawaii nga mabalin nga paki-turugan yo, ket nasaysayaat manen.  Ken dagitay adda apartments na kada share home na dita Hawaii ket maka-ammo kayo metten nga mangimbitar kadagita gagayyem ken kakabagyan yon apo.